Breaking News युवा शक्तीचा बुलंद आवाज..! बातमी मागील सत्य..!
रविवार, ५ मे, २०२४
Home
/
Unlabelled
/
काँग्रेसच्या फसवणुकीला बळी न पडता आदिवासी बांधवांनी विकासनितीला साथ द्यावी; मोलगीतील भव्य प्रचार सभेत नेत्यांचे आवाहन
काँग्रेसच्या फसवणुकीला बळी न पडता आदिवासी बांधवांनी विकासनितीला साथ द्यावी; मोलगीतील भव्य प्रचार सभेत नेत्यांचे आवाहन
नंदुरबार - दिशाभूल करणारे खोटे मुद्दे सांगून भोळ्या भाबड्या आदिवासींची फसवणूक करणे हा काँग्रेसचा जुना धंदा आहे. संविधान आणि आरक्षण मुद्द्यावर दिशाभूल करण्यापेक्षा आमच्या विरोधकांनी विकासावर बोलावं. 35 वर्षे काँग्रेस सत्तेत असताना आणि आता अडीच वर्षे मंत्री असताना इथल्या आमदाराने कोणता विकास केला? ते सांगावं. पण काही केलं नसल्यामुळे ते सांगूच शकणार नाही आणि म्हणून कोणत्याही आदिवासी बांधवांनी त्यांच्या भूलथापांना बळी पडू नका.फक्त आणि फक्त विकासाला साथ द्या;असे आवाहन महाराष्ट्राच्या आदिवासी विकास मंत्री नामदार डॉक्टर विजयकुमार गावित यांनी अक्कलकुवा तालुक्यातील मोलगी या गावात आज पार पडलेल्या भव्य प्रचार सभेतील भाषणातून केले.
आदिवासी विकास मंत्री नामदार डॉक्टर विजयकुमार गावित,माजी मंत्री पद्माकर वळवी, विधान परिषद सदस्य आमशा पाडवी,आणि महायुतीच्या उमेदवार डॉक्टर हिना गावित यांच्या नेतृत्वात पार पडलेल्या या मिरवणुकीला आणि प्रचार सभेला शिवसेनेच्या महिला संघटन प्रमुख प्रणिती पोंक्षे,भाजपाचे महाराष्ट्र प्रदेश सदस्य नागेश पाडवी,भाजपाचे तालुका अध्यक्ष मितेश वळवी, जिल्हा परिषद सदस्य प्रताप वळवी, रुपसिंग पाडवी,सिताराम पावरा आणि अन्य स्थानिक मान्यवर उपस्थित होते.
अक्कलकुवा तालुक्यातील मोलगी या अतिदुर्गम भागाने वेढलेल्या गावात आज दिनांक 5 एप्रिल 2024 रोजी भारतीय जनता पार्टीच्या तथा महायुतीच्या उमेदवार डॉक्टर हिनाताई गावित यांच्या प्रचारासाठी भव्य मिरवणुकीचे आयोजन करण्यात आले होते.अक्कलकुवा विधानसभा क्षेत्रातील दुर्गम गाव पाड्यातून शेकडोच्या संख्येने आदिवासी बांधव उपस्थित राहिले आणि सहभागी झाले.पारंपारिक आदिवासी नृत्य करीत मिरवणुकीच्या अग्रभागी चालणाऱ्या पथकांनी लक्ष वेधले. ढोल वाजवणाऱ्या पथकांनी सुद्धा या मिरवणुकीत विशेष छाप पडली.संपूर्ण मोलगी परिसर मिरवणुकीसाठी आलेल्या लोकांनी फुलून गेलेला दिसला.मिरवणुकीच्या समाप्तीनंतर झालेल्या जाहीर सभेप्रसंगी रणरणत्या उन्हातही शेकडोच्या संख्येने आदिवासी ग्रामस्थ उपस्थित राहिले.
महायुतीच्या उमेदवार डॉक्टर हिना गावित यांनी विरोधकांवर घणाघाती टीका करताना सांगितले की, गरीब दुर्लक्षित वंचित घटकांना न्याय देण्याचं काम मोदी सरकारच्या माध्यमातून खऱ्या अर्थाने केले जात आहे इतके वर्ष सत्तेत राहिलेल्या काँग्रेसने कधी आदिवासींना हा न्याय दिला नाही. घर गॅस पाणी रस्ते आणि गाव विकासासाठी कोट्यावधीचा निधी दिले शिवाय महिलांना शेतकऱ्यांना आत्मनिर्भर बनवण्याचे काम मागील दहा वर्षाच्या मी खासदारकीच्या माध्यमातून केले. असे असताना ज्यांचा जन्म मुंबईत झाला शिक्षण मुंबईत झाले ज्यांना इकडची भाषा येत नाही आणि समस्याही कळत नाही अशा उमेदवाराला निवडून देणार का ? यावर विचार करा मग मतदान करा; असेही डॉक्टर हिना गावित म्हणाल्या.
तत्पूर्वी माजी मंत्री पद्माकर वळवी यांनी देखील काँग्रेसवर दणकेबाज टीका करणारे भाषण केले. काँग्रेस आदिवासींची फक्त फसवणूक करू शकते हे मी मागच्या तीस वर्षात काँग्रेसमध्ये असताना अनुभवले.राहुल गांधी यांनी सत्तेत आल्यावर धनगरांना आरक्षण मिळवून देऊ असे नुकतेच जाहीर केले. आदिवासींच्या हक्काचे आरक्षण धनगरांना देणाऱ्या काँग्रेसला मतदान करणार का? असे पद्माकर वळवी म्हणाले.त्याचप्रमाणे विधान परिषद सदस्य आमशा पाडवी यांनीही आपल्या भाषणातून भाजप सेना विरोधकांचा खरपूस समाचार घेतला व यापुढे आदिवासी बांधवांनी खोट्या प्रचाराला बळी पडू नये,असे आवाहन केले.
Tags
About Tarun Garjana
तरुण गर्जना या ऑनलाईन ई-वृत्तपत्राचे मुख्य संपादक: श्री. संतोष गंभीर भोई - महाराष्ट्र पत्रकार संघ, धुळे जिल्हाध्यक्ष तसेच महाराष्ट्र विकास माथाडी ट्रान्सपोर्ट आणि जनरल कामगार संघटना महाराष्ट्र राज्य उपाध्यक्ष.
सदर ऑनलाईन ई-वृत्तपत्र शिरपूर येथून एकाच वेळी महाराष्ट्रात सर्वत्र प्रसारित होते. या ऑनलाईन पोर्टल मध्ये प्रसिद्ध झालेल्या मजकुराशी संपादक मंडळ सहमत असेलच असे नाही. (शिरपूर न्यायक्षेत्र)
याची सदस्यत्व घ्या:
टिप्पणी पोस्ट करा (Atom)
प्रसिद्ध
-
शिरपूर प्रतिनिधी :- शिरपूर तालुका पोलीस स्टेशनचे पोलीस निरीक्षक श्रीराम पवार यांना मिळालेल्या गोपनीय बातमीच्या आधारे कारवाई करत गावठी बनवतीच...
-
मा.मोहन वाघ सर, विभागीय कृषी सहसंचालक नाशिक विभाग नाशिक यांच्या प्रमुख मार्गदर्शनाखाली आज दि.१२.०५.२०२४ रोजी मिळालेल्या गुप्त खबरीनुसार मे...
-
शिरपूर प्रतिनिधी : शिरपूर येथे आ. अमरिशभाई पटेल यांची 10 मे रोजी जाहिर सभा आयोजित करण्यात आली आहे. नंदुरबार लोकसभा मतदारसंघ पंचवार्षिक निवडण...
-
मा.मोहन वाघ सर, विभागीय कृषी सहसंचालक नाशिक विभाग नाशिक यांच्या प्रमुख मार्गदर्शनाखाली आज दि.१५.०५.२०२४ रोजी मिळालेल्या गुप्त खबरीनुसार मे....
-
शेतकरी मित्र बिंदू शेठ शर्मा भारतीय जनता पार्टी किसान मोर्चा प्रदेश महामंत्री 100% शेतकऱ्यांसाठी निस्वार्थ सेवा मदत केली आहे करतंच राहणार न...
-
प्रतिकूल परिस्थितीत मात करत टँकरने पाणी देत वाय.जी.मोरे साक्री यांनी घेतले कलिंगड चे विक्रमी उत्पादनसाक्री तालुक्यातील काटवान भागातील अत्यंत दुष्काळग्रस्त समजल्या जाणाऱ्या बेहेड विठाई या परिसरातील शेतकरी श्री विशाल दिलीप खैरनार वाय.जी.मोरे ...
-
शेगाव शहर प्रतिनिधी: (उमेश राजगुरे)आज दिनांक 8 मे 2024 भोई समाज कर्मचारी शेगाव येथे नव नियुक्त कर्मचारी यांचा भोई समाज शेगाव शहर व ग्रामीण च...
-
नंदुरबार लोकसभा मतदारसंघातील महायुतीच्या अधीकृत उमेदवार डॉ हिना गावित यांनी प्रचारात आघाडी घेतली आहे. आपल्या विरोधी उमेदवार महाविकास आघाडीच्...
-
महाराष्ट्र काँग्रेसचे प्रदेश अध्यक्ष मा.नानाभाऊ पटोले यांची विसरवाडी येथे प्रचार सभा असताना नाना पटोले आणि ऍड गोवाल पाडवी यांच्या हस्ते प...
-
शिरपूर प्रतिनिधी :- शिरपूर तालुक्यात पुन्हा एकदा पोलिसांवर तुफान दगडफेक करण्यात आली आहे.अश्रु धुरांच्या नळकांड्या फोडत पोलिसांनी दगडफेक करणा...
कोणत्याही टिप्पण्या नाहीत:
टिप्पणी पोस्ट करा