साक्री तालुक्यातील बल्हाणे गावाचे भूमी पुत्र व सद्या पिंपळनेर येथे वास्तव्यास असलेले
ज्येष्ठ सामाजिक कार्यकर्ते आणि बहुआयामी व्यक्तिमत्त्व असलेले शांताराम रुपचंद बिरारीस यांची राष्ट्रीय पुरस्कारासाठी निवड झाली असून, विशेष म्हणजे हा गौरव त्यांना त्यांच्या ६५व्या वाढदिवसाच्या दिवशीच प्राप्त झाला आहे.त्यांच्या सामाजिक,शैक्षणिक व राजकीय कार्यातील निःस्वार्थ योगदानाची ही राष्ट्रीय पातळीवरील अधिकृत दखल आहे.
गेल्या चार दशके ते समाजसेवा,शिक्षणविकास आणि ग्रामीण भागातील लोककल्याणासाठी सतत कार्यरत आहेत.कोणत्याही पदाची,प्रसिद्धीची अथवा लाभाची अपेक्षा न ठेवता त्यांनी आपली जबाबदारी प्रामाणिकपणे पार पाडली आहे. त्यांच्या या कार्यामुळे त्यांना स्थानिक पातळीवर मोठा जनाधार लाभला असून,अनेकांच्या प्रेरणास्थान म्हणून ते ओळखले जातात.
या गौरवप्राप्तीनंतर त्यांच्या अर्धांगिनींकडून त्यांना आरोग्यदायी,यशस्वी आणि प्रेरणादायी दीर्घायुष्याच्या शुभेच्छा देण्यात आल्या.गावकरी, मित्रपरिवार आणि सहकाऱ्यांनीही त्यांना वाढदिवसानिमित्त आणि पुरस्कारासाठी शुभेच्छांचा वर्षाव केला आहे.
या पुरस्कारामुळे त्यांच्या कार्याची दखल राष्ट्रीय स्तरावर घेतली गेली असून,येत्या काळातही त्यांच्या हातून समाजोपयोगी कार्य अधिक व्यापक स्वरूपात घडो, अशी भावना व्यक्त होत आहे.
कोणत्याही टिप्पण्या नाहीत:
टिप्पणी पोस्ट करा