जळगाव शिक्षण विभागात भ्रष्टाचाराचा भडका !! अधिकारी–कर्मचारी दलालांच्या संपर्कात? ईडी चौकशीची मागणी..!

जळगाव प्रतिनिधी / जळगाव जिल्हा माध्यमिक शिक्षण व वेतन विभागातील काही अधिकारी आणि कर्मचारी हे दलालांच्या थेट संपर्कात असल्याची गंभीर चर्चा जिल्हा परिषदेपासून शिक्षण क्षेत्रात सुरु आहे. बोगस शिक्षक भरती, बॅक डेट नियुक्त्या आणि स्थलांतरित शाळांच्या परवानग्यांमधून अब्जावधींचा गैरव्यवहार झाल्याचे स्पष्ट संकेत आहेत.

🔴 १. दलाल–अधिकारी साखळी सक्रिय

शिक्षण विभागातील काही भ्रष्ट अधिकारी व वेतन शाखेतील कर्मचारी दलालांच्या माध्यमातून बोगस शिक्षक भरती करून घेत असल्याचे आरोप.

“हफ्ते” आणि “कमिशन” वेळेवर पोहोचल्याने वरिष्ठ अधिकाऱ्यांकडून दुर्लक्ष.

नाशिक पोलिसांच्या तपासानंतर अनेक भामटे जिल्ह्यातून फरार.

🔴 २. घरातील मंडळी शिक्षक पदावर!

अनेक संस्था चालकांनी पत्नी, सून, मुलगा, जावई, नातू, पणतू अशा नातेवाईकांना शिक्षक पदावर लावले.

शाळेत हजेरी नाही; शासनाकडून लाखो रुपयांचा पगार घेतला जातो.

काही जणांनी बनावट D.Ed., B.Ed. प्रमाणपत्रे सादर केली.

🔴 ३. बोगस बॅक डेट नियुक्त्यांचा घोटाळा

मागील 10 ते 15 वर्षांत वेतन विभागातून अब्जावधी रुपयांचा बॅक डेट फरक काढला गेला.

दलालांच्या माध्यमातून मोठ्या प्रमाणात कमिशन व्यवहार झाले.

काही राजकीय मंडळींनी हा पैसा निवडणुकीत वापरल्याची चर्चा.

🔴 ४. शिक्षण विभागात खुलेआम दलाली

शिंदे, मनोज पाटील, बडगुजर यांच्यासारखे दलाल थेट फाईली हातोहात नेतात.

काही शिक्षण सम्राटांचे पुतणे आणि नातेवाईक वरिष्ठ अधिकाऱ्यांच्या केबिनमध्ये बसून संगणकावर काम करतात.

जिल्ह्यातील एका “शिक्षण सम्राटाने” बदली आणि नियुक्त्यांसाठी लाखोंच्या डील्स ठरवल्याची चर्चा.

🔴 ५. अल्पसंख्यांक शाळांमधील मोठा गैरव्यवहार

अल्पसंख्यांक शाळांमध्ये बोगस शिक्षक भरती मोठ्या प्रमाणात.

स्थलांतरित जुन्या शाळांची परवानगी वापरून बनावट शिक्षक नियुक्त्या.

🔴 ६. कारवाईची मागणी

सन 2011 नंतरच्या सर्व मान्यता आणि नियुक्त्या तपासाव्यात.

जबाबदार संस्था अध्यक्ष, सचिव, संचालक व मुख्याध्यापकांवर गुन्हे दाखल करावेत.

टीईटी प्रमाणपत्र पडताळणीसाठी अनुपस्थित असलेल्या मुख्याध्यापकांवर अटक वॉरंट काढावे.

शिक्षण विभागातील सर्व सीसीटीव्ही फुटेज तपासून दलालांना अटक करावी.

संबंधित अधिकारी व कर्मचाऱ्यांच्या सर्व मालमत्ता जप्त करून ईडीकडून चौकशी लावावी.

🔴 ७. राजकीय मौनावर प्रश्नचिन्ह

जिल्ह्यात चार मंत्री असूनही एकानेही बोगस शिक्षक प्रकरणावर विधानसभेत आवाज उठवलेला नाही.

शिक्षण विभागातील भ्रष्ट लॉबी सर्व तक्रारी दाबून टाकते.

जळगाव जिल्हा शिक्षण विभागातील हा घोटाळा सध्या जिल्ह्यातील सर्वात मोठा प्रशासकीय भ्रष्टाचार म्हणून समोर येत असून, या प्रकरणात केंद्रस्तरावर तपास आवश्यक असल्याची सर्वत्र मागणी होत आहे.