निजामपूर पोलीस ठाण्यात महाघोटाळ्याचा भडका!! दोनश गुन्ह्यांचा मुद्देमाल गायब; दोन हवालदार निलंबित स्वतःच्या ठाण्यातच गुन्हा दाखल

निजामपूर (प्रतिनिधी) निजामपूर पोलीस ठाण्यातील मुद्देमाल तपासणीमध्ये आज असा स्फोटक खुलासा झाला की संपूर्ण पोलीस विभागात खळबळ उडाली आहे. तब्बल २०० पेक्षा अधिक गुन्ह्यांचा मुद्देमाल रहस्यमयरीत्या गायब असल्याचे अधिकृत तपासात निष्पन्न झाले आहे. या प्रकाराचा थेट संबंध पो.ह. महेंद्र जाधव आणि पो.ह. शरद ठाकरे (ब.क्र. 753) यांच्याशी जोडला गेल्यानंतर दोघांवर तातडीचे निलंबन आणि गंभीर गुन्हा नोंद करण्याची कारवाई करण्यात आली आहे.

नोटिसा दिल्या… चौकशा झाल्या… संधी दिल्या — तरीही मुद्देमाल बेपत्ता!! 

गेल्या अनेक महिन्यांपासून दोन्ही कर्मचाऱ्यांना मुद्देमाल जमा करण्याच्या वारंवार सूचना,

स्पष्टीकरणासाठी अवधी,

आणि चौकशीत हजर राहण्याचे आदेश

दिल्यानंतरही त्यांनी जबाबदारीकडे संपूर्ण दुर्लक्ष केले. तपासात समोर आले की गायब झालेल्या मुद्देमालात किंमती वस्तू, रोकड, मूल्यवान पुरावे आणि न्यायालयीन प्रक्रियेला निर्णायक ठरणारे साहित्य यांचा समावेश आहे.

वर्षानुवर्षे दडलेला ‘गहाळ मुद्देमाल’ घोटाळा विभागीय तपासणीने उघडे पाडले काळे कारनामे

दोन्ही हवालदारांकडे अनेक जुन्या गुन्ह्यांचा मुद्देमाल ताब्यात होता. विभागीय तपासणीदरम्यान एकामागोमाग एक फाईल तपासली, आणि प्रत्येक फाईलसोबत गहाळ वस्तूंची यादी वाढत गेली. अखेर २०० हून अधिक गुन्ह्यांतील मुद्देमाल गायब झाल्याचे समोर आले.

हा घोटाळा पुढील प्रश्नांकडे बोट दाखवतो:

मुद्देमाल शेवटचा कोणी आणि कधी हाताळला?

आणखी कोणाचे नाव पुढे येणार?

मुद्देमाल आर्थिक देवाणघेवाणीला वापरला गेला का?

वरीष्ठ अधिकाऱ्यांचा थेट हस्तक्षेप — विशेष तपास पथकाची तयारी

घोटाळ्याची गंभीरता लक्षात घेऊन वरिष्ठ अधिकारी स्वतः मैदानात उतरले आहेत. प्रारंभीच्या चौकशीनंतर पुढील तपासासाठी विशेष पथक (SIT) गठीत करण्याची प्रक्रिया सुरू झाली आहे. संपूर्ण कारभाराचे

CCTV फुटेज, रजिस्टर, Seizure Memo, मालखाना नोंदी तपासल्या जात आहेत.

न्यायप्रक्रिया धोक्यात — "पोलीस दलाची प्रतिमा कलंकित"

गायब मुद्देमालामुळे आता:अनेक गुन्ह्यांचे निर्णय लांबणार न्यायालयाला पुरावे उपलब्ध न राहण्याची शक्यता

पोलीस दलावरची जनतेची विश्वासार्हता हादरली

‘शून्य सहनशक्ती’चा संदेश गुन्हा लपवण्याचा प्रयत्नही फोल

प्रशासनाने स्पष्टपणे सांगितले आहे की,

“मुद्देमालासारख्या अतिसंवेदनशील बाबतीत कोणतीही बेपर्वाई सहन केली जाणार नाही.” निलंबित हवालदारांवर नोंदवलेला गुन्हा आणि घेतलेली कठोर कारवाई हा संदेश देण्यासाठी पुरेसा आहे की पोलीस दलातील गैरव्यवहार कितीही दडपला, तरी सुटणार नाही.