अमळनेर : प्रतिनीधी आदिवासी बालिकेला पैशाचे
आमिष दाखवून तिचा विनयभंग केल्याची घटना तालुक्यातील एकलहरे येथे १३ रोजी सकाळी १० वाजता रस्त्यावरील बखळ जागेत घडली.
एक आदिवासी समाजाची पाचवीत शिकणारी ११ वर्षाची मुलगी भरवस येथील शाळेत जाण्यासाठी एकलहरे गावाच्या बसस्थानकावर उभी असताना हनुमंत यादव पाटील वय ६५ याने हातात पैसे दाखवून मुलीला खळ्यात बोलावले, तिचा हात धरून मुलीला ओढण्याचा प्रयत्न केला असता मुलगी हात झटकून पळून गेली. मुलीने मारवड पोलीस स्टेशनला फिर्याद दिल्यावरून भारतीय न्याय संहिता कलम ७४, पोक्सो कायदा कलम ८,१२, अनुसूचित जाती जमाती अधिनियम ३ (१) (डब्ल्यू), (१), (२), ३(२) (व्ही अ) प्रमाणे गुन्हा दाखल करण्यात आला असून आरोपीला अटक करण्यात आली आहे. तपास डीवायएसपी विनायक कोते करीत आहेत.
कोणत्याही टिप्पण्या नाहीत:
टिप्पणी पोस्ट करा