पिढ्यान्पिढ्यांचा मच्छीमारी
पोटापाण्याचा धंदा आमचा
असा हिसकावून नेऊ नका
आमच्याच हक्कासाठी
आम्हाला लढायला लावू नका...
आमच्या हक्काचं आमच्यापासून
हिसकावून घेऊ नका
आमच्या लेकराबाळांच्या तोंडातला घास
असा ओढून घेऊ नका...
उपाशी मरतील आमच्या पिढ्या
मुडदे शासनदरबारी आणायला लावू नका
मच्छीमार हीच आमची खरी ओळख
आमच्यापासून हिरावून नेऊ नका...
आमच्या हक्काचं आमच्यापासून
हिसकावून घेऊ नका
आमच्या लेकराबाळांच्या तोंडातला घास
असा ओढून घेऊ नका...
भरू द्या पोट आम्हाला
जलक्रांती करायला लावू नका
निरपराध समाज आमचा
अपराध्यांच्या पिंजऱ्यात अडकवू नका...
आमच्या हक्काचं आमच्यापासून
हिसकावून घेऊ नका
आमच्या लेकराबाळांच्या तोंडातला घास
असा ओढून घेऊ नका...
— लक्ष्मण वाल्डे - कन्नड
कोणत्याही टिप्पण्या नाहीत:
टिप्पणी पोस्ट करा