मालपूर (ता. साक्री) येथील युवक घनश्याम भाऊ लाडे यांची SSC मार्फत केंद्रीय औद्योगिक सुरक्षा दल (CISF – Central Police Force) मध्ये निवड झाल्याबद्दल त्यांचा जाहीर सत्कार करण्यात आला. या यशाबद्दल परिसरात तसेच समाजात आनंदाचे वातावरण आहे.
या प्रसंगी भोई समाज युवा मंच उत्तर महाराष्ट्र अध्यक्ष विकास भाऊ खेडकर, भोई समाज युवा मंच सटाणा तालुका अध्यक्ष विलास भाऊ मोरे, ताराचंद मोरे (सामाजिक कार्यकर्ते, झोडगे), अमृत भाऊ लाडे (मालपूर), निलेश सोनवणे (भोई समाज युवा कार्यकर्ते, अमळनेर) आदी मान्यवर उपस्थित होते.
मान्यवरांनी घनश्याम लाडे यांचा पुष्पहार व शाल देऊन सत्कार केला व त्यांच्या पुढील सेवाभावी व देशसेवेसाठी शुभेच्छा दिल्या. “ग्रामीण भागातील युवकांनी जिद्द, मेहनत व चिकाटीच्या जोरावर केंद्रीय सेवेत यश संपादन करणे हे इतर तरुणांसाठी प्रेरणादायी आहे,” असे मत उपस्थितांनी व्यक्त केले.
या निवडीमुळे मालपूर गावासह भोई समाजाचा नावलौकिक वाढला असून, घनश्याम लाडे यांच्या पुढील वाटचालीस सर्व स्तरातून शुभेच्छांचा वर्षाव होत आहे.
कोणत्याही टिप्पण्या नाहीत:
टिप्पणी पोस्ट करा