बापू चव्हाण दिंडोरी
दिंडोरी तालुक्यातील उमराळे बुद्रुक येथे प्रकाश रघुनाथ केदार यांच्या राहत असलेल्या शेतामध्ये रात्रीच्या सुमारास बिबट्याने अचानक हल्ला करून या वासराला जखमी केले या वासराचा ओरडण्याचा आवाज आल्याने वस्तीवरील परिसरातील झोपलेले नागरिक जागे झाले त्यानंतर त्यांनी आरडाओरडा करून या बिबट्याला पळून लावले. हल्ला करून पळालेल्या या बिबट्याने वासराला मोठी जखम केली आहे.
सध्या या जखमी वासरावर उपचार सुरू आहे.गेल्या कित्येक दिवसांपासून या परिसरात बिबट्यांचा मोठ्या प्रमाणावर वावर असल्याने नागरिकांमध्ये कायम भीतीचे वातावरण असते.याआधीही काही तरुणांवर बिबट्याकडून हल्ला झाला असल्याने वन विभागाने याची तात्काळ दखल घेऊन या परिसरात पिंजरा लावून या बिबट्याचा बंदोबस्त करावा अशी मागणी येथील नागरिकांनी शेतकऱ्यांनी केली आहे.
कोणत्याही टिप्पण्या नाहीत:
टिप्पणी पोस्ट करा