बापू चव्हाण दिंडोरी
दिंडोरी तालुक्यातील श्रीक्षेत्र वलखेड येथे चैत्र शुद्ध पौर्णिमा गुरुवार दि.२ एप्रिल रोजी सकाळी सूर्योदयसमयी ६:५५ वा. हनुमान जन्मोत्सव साजरा करण्यात येणार आहे.
येथील हनुमान चौकात सुशोभीकरण करून कळसावर व परिसरात लाइटिंग करण्यात येऊन सगळीकडे भगव्या झेंडे लावण्यात येणार असून रात्री भजन व जागरणाचा कार्यक्रम होणार आहे तसेच चैत्रशुद्ध पौर्णिमेला सूर्योदय समयी ६:५५ मिनिटांनी जन्मोत्सव होऊन सकाळी ७:३० ते ९ पर्यंत रुद्राभिषेक करण्यात येणार आहे ९ ते १० वाजता ह.भ.प.निवृत्ती महाराज शिंदे यांचे हनुमान जन्मावर प्रवचन होईल त्यानंतर महाप्रसाद होणार आहे.या सोहळा उत्सवाचा परिसरातील भाविकभक्तांनी लाभ घ्यावा असे आवाहन हनुमान जन्मोत्सव समिती व ग्रामस्थांच्यावतीने करण्यात आले आहे.
कोणत्याही टिप्पण्या नाहीत:
टिप्पणी पोस्ट करा