बापू चव्हाण दिंडोरी
भारत निवडणूक आयोगाच्या निदर्शनानुसार मतदार यादीच्या विशेष संक्षिप्त पुनरीक्षण कार्यक्रमाची अंमलबजावणी करण्यात येत असून या प्रक्रियेत नागरिकांनी सक्रिय सहभाग नोंदवावा असे आवाहन दिंडोरीचे प्रांतअधिकारी डॉ.आप्पासाहेब शिंदे यांनी केले आहे.
सन २०२४ च्या मतदार यादीतील नोंदणीची पडताळणी करतांना पूर्वीच्या सन २००२ च्या मतदार यादीशी तुलना केली जाणार आहे या प्रक्रियेच्या मतदारांचे नाव २०२४ च्या यादीत आहे मात्र २००२ च्या यादीत नाही अशा नोंदणीची सखोल तपासणी केली जाणार आहे तसेच मतदारांच्या कुटुंबीयांची माहिती राहत्या पत्त्याची अचूकता आणि मूळ गावाची नोंद याचाही आढावा घेतला जाणार आहे. याशिवाय या प्रक्रिये दरम्यान कोणत्याही मतदाराचे नाव विनाकारण वगळले जाणार नाही आवश्यक पडताळणी करूनच पुढील कारवाई केली जाईल त्यामुळे नागरिकांनी कोणत्याही अफवांवर विश्वास ठेवू नये असेही प्रांताधिकारी डॉ.आप्पासाहेब शिंदे यांनी स्पष्ट केले आहे.
नागरिकांनी अधिकृत संकेतस्थळावर जाऊन आपले नाव मतदार यादीत आहे का याची खात्री करून घ्यावी तसेच नाव नोंदणी दुरुस्ती किंवा बदल आवश्यक असल्यास संबंधित अर्ज तातडीने सादर करावेत असे आवाहन ही करण्यात आले आहे. ही विशेष पुनरीक्षण प्रक्रिया ३१ मार्च २०२६ पर्यंत सुरूच राहणार असून त्यानंतर मतदार यादी अद्ययावत नियमित प्रक्रिया सुरूच राहणार आहे लोकशाही अधिक बळकट करण्यासाठी प्रत्येक पात्र नागरिकाने आपले नाव मतदार यादीत नोंदवणे आवश्यक असल्याचे डॉ.शिंदे यांनी नमूद केले.
कोणत्याही टिप्पण्या नाहीत:
टिप्पणी पोस्ट करा