बापू चव्हाण दिंडोरी
दिंडोरी तालुक्यातील पालखेड बंधारा येथे अखंड हरिनाम सप्ताह शताब्दी निमित्ताने मान्यवरांच्या हस्ते ध्वजारोहण करण्यात आले.
वारकरी सांप्रदाय परंपरेनुसार या अखंड हरिनाम सप्ताहाची शताब्दी पूर्ण होत असल्याने तालुक्यातील ज्येष्ठ श्रेष्ठ प्रवचनकार,कीर्तनकार, गायक,वादक,आध्यात्मिक, सामाजिक,शैक्षणिक,तसेच विविध क्षेत्रातील मान्यवर या सोहळ्याप्रसंगी उपस्थित होते.
प्रथमता उपस्थित मान्यवरांच्या हस्ते दीप प्रज्वलन करण्यात आले. त्यानंतर पुरोहित यांच्या मंत्र पठणाने या ध्वजाचे ध्वजारोहण श्री संत जनार्दन स्वामी महाराज यांचे शिष्य परमेश्वर महाराज,वृद्धेश्वर महाराज, ह.भ.प.पुरुषोत्तम महाराज घुमरे, तसेच गावातील ज्येष्ठ वारकऱ्यांच्या हस्ते करण्यात करून मान्यवरांच्या हस्ते पाद्यपूजनाचा कार्यक्रम पार पडला.त्यानंतर लोकवर्गणीचे श्रीफळ फोडण्यात आले.यावेळी परमपूज्य परमेश्वर महाराज,पांडुरंग शास्त्री उखर्डे,प्रल्हाद महाराज आव्हाड यांनी शताब्दी उत्साहानिमित्ताने आपले मनोगत व्यक्त करून मार्गदर्शन केले. प्रास्ताविकामध्ये काका गायकवाड यांनी येऊ घातलेल्या या अखंड हरिनाम सप्ताह शताब्दी निमित्ताने कार्यक्रमाच्या आयोजनाची व रुपरेषा यामध्ये शिवपुराण तसेच महाराष्ट्रातील कोण कोणत्या नामवंत कीर्तनकारांची हरीकीर्तने होणार व गायक वादक याबाबत माहिती दिली.सूत्रसंचालन सामाजिक कार्यकर्ते बापू (तात्या) चव्हाण यांनी केले.तर आभार बी.के.गायकवाड यांनी मानले.कार्यक्रमाला तालुक्यातील व गावातील ग्रामस्थ मोठ्या संख्येने उपस्थित होते.
कोणत्याही टिप्पण्या नाहीत:
टिप्पणी पोस्ट करा