धुळे प्रतिनिधी : राज्य शासनाने महत्त्वपूर्ण प्रशासकीय निर्णय घेत धुळे जिल्ह्याच्या पोलीस अधीक्षकपदी विशाल आनंद शिंगुरी यांची नियुक्ती केली आहे. त्यांच्या नियुक्तीमुळे जिल्ह्यातील कायदा व सुव्यवस्था अधिक बळकट होण्याची अपेक्षा व्यक्त केली जात आहे.
विशाल आनंद शिंगुरी हे अनुभवी व कर्तव्यदक्ष अधिकारी म्हणून ओळखले जातात. त्यांनी यापूर्वी विविध ठिकाणी महत्त्वाच्या पदांवर काम करताना गुन्हेगारी नियंत्रण, संघटनात्मक शिस्त आणि लोकाभिमुख पोलिसिंग यावर भर दिला आहे.
धुळे जिल्ह्यात वाढत्या गुन्हेगारीवर नियंत्रण आणणे, वाहतूक व्यवस्थेत सुधारणा करणे तसेच नागरिकांशी सुसंवाद वाढवणे या बाबींना ते प्राधान्य देतील, अशी अपेक्षा व्यक्त होत आहे. त्यांच्या नियुक्तीचे जिल्ह्यातील नागरिक व प्रशासनाकडून स्वागत करण्यात येत आहे.
कोणत्याही टिप्पण्‍या नाहीत:
टिप्पणी पोस्ट करा