बापू चव्हाण दिंडोरी
राष्ट्रवादी काँग्रेस शरदचंद्र पवार पक्षाचे प्रवक्ते विलास लवांडे यांनी वारकरी सांप्रदायातील नामवंत किर्तनकारांबाबत जे आक्षेपार्ह वक्तव्य केल्याने वारकरी सांप्रदायाच्या भावना दुखावल्या गेल्या आहेत. त्यामुळे शुक्रवार दिनांक १७ एप्रिल रोजी दिंडोरी तालुक्यातील वारकऱ्यांनी एकत्र येऊन लवांडे यांच्या वक्तव्याचा निषेध केला.
यावेळी तालुक्यातील वारकऱ्यांनी दिंडोरी येथील कृषी उत्पन्न बाजार समितीच्या कार्यालयापासून टाळ मृदंगाचा गजर करत वारकरी परंपरेचे अभंग गाऊन भर उन्हात दिंडोरी तहसिल कार्यालयापर्यंत रॅली काढली. यावेळी वारकरी सांप्रदायाच्यावतीने नायब तहसिलदार चैताली दराडे, व दिंडोरी पोलीस ठाण्याचे वरिष्ठ पोलीस पोलिस निरीक्षक भगवान मथुरे यांना निवेदन देवून विलास लवांडे यांच्यावर त्वरित कारवाई करण्याची मागणी केली.
याप्रसंगी दिंडोरी कृषी उत्पन्न बाजार समिती उपसभापती योगेश बर्डे, वारकरी सांप्रदायाचे तालुकाध्यक्ष पांडूरंग गडकरी, दिलीप जाधव सामाजिक कार्यकर्ते बापू (तात्या) चव्हाण दत्तू भेरे, आण्णा महाराज चव्हाण,पांडूरंग पाटील, प्रल्हाद आव्हाड,मधुकर उफाडे, बाळासाहेब पाटील,पद्माकर जगताप,काशिनाथ शिंदे,शरद देशमुख,संजय जाधव, संदीप संधान,निवृत्ती संधान,सुख्देव ठाकरे, जयराम नाठे,ज्ञानेश्वर नवले,सुनील पाटील,भाऊसाहेब पाटील,अंबादास पाटील,भास्कर वसाळ,तुषार पाटील, नामदेव मुरकूटे,संतोष आंबेकर, पंढरीनाथ पवार,मल्हारी बोडके आदींसह दिंडोरी तालुक्यातील वारकरी सांपद्रायाचे पदाधिकारी मोठ्या संख्येने उपस्थित होते.
कोणत्याही टिप्पण्या नाहीत:
टिप्पणी पोस्ट करा