बापू चव्हाण दिंडोरी
दिंडोरी तालुक्यातील वनारवाडी येथील श्री विठ्ठल रुक्मिणी मंदिरात मंगळवार दि.७ एप्रिल पासून अखंड हरिनाम सप्ताह प्रारंभ होत असून या सप्ताह काळामध्ये विविध धार्मिक कार्यक्रमांचे आयोजन करण्यात आले आहे.
त्यामध्ये पहाटे चार ते सहा काकडा भजन ९ ते ११ गाथा भजन ४ ते ६ संतश्रेष्ठ श्री तुकाराम महाराज चरित्र कथा सायंकाळी ७ ते ८ हरिपाठ व रात्री ९ ते ११ हरिकीर्तन होणारा असून सप्ताह काळात महाराष्ट्रातील नामवंत कीर्तनकारांचे हरी किर्तन होणार आहे. यामध्ये ह. भ.प.राहुल महाराज पाटील (निळवंडी) ह.भ.प. दत्तात्रय महाराज जाधव (कसबे वणी) ह.भ.प.केशव महाराज भांगडे (नांदगाव) ह.भ.प. अण्णा महाराज चव्हाण (वनारवाडी) ह.भ.प. ऋषिकेश महाराज कुवटे (निफाड) ह.भ.प. नवनाथ महाराज थेटे (गिरणारे) ह.भ.प.नंदकिशोर महाराज पवार (आहेरगाव) आदींची हरिकीर्तन होणारा सप्ताह काळात सातही दिवस ह.भ.प.अण्णामहाराज चव्हाण यांचे संतश्रेष्ठ तुकाराम महाराज चरित्र कथा होणार आहे मंगळवार दि.१४ एप्रिल रोजी सकाळी १० ते १२ ह.भ.प.सौरभ महाराज जाधव (कुंडाणे) यांचे काल्याचे किर्तन होईल त्यानंतर महाप्रसादाने या सप्ताहाची सांगता होणार आहे.तरी परिसरातील भाविकांनी या हरीकीर्तनाचा लाभ घ्यावा असे आवाहन वनारवाडी येथील ग्रामस्थ व भजनी मंडळाने केले आहे.
कोणत्याही टिप्पण्या नाहीत:
टिप्पणी पोस्ट करा