बापू चव्हाण दिंडोरी:-
दिंडोरी तालुक्यातील पिंपळणारे येथे सकाळी ८.३० वा. वय वर्ष ६९ या शेतकर्यावर बिबट्याने अचानक हल्ला करुन ठार केले आहे.या घटनेमुळे पिंपळणारे परिसरातील शेतकर्यांमध्ये भीतीचे वातावरण पसरले आहे.याबाबत वृत्त असे की पिंपळणारे येथील गट नंबर ३५५ मधील शेतात सकाळी ८ वाजेच्या सुमारास गुलाब रामभाऊ साळवे हे ६९ वर्षीय शेतकरी वासरू बांधत असताना बिबट्याने त्यांच्यावर अचानक झडप घालून हल्ला केला. यावेळी त्यांनी आरडाओरड केल्याने मुलगा जीवन गुलाब साळवे व सुन सोनाली जीवन साळवे हे धावत आल्याने बिबट्याने मात्र तेथुन धुम ठोकली. या हल्ल्यामध्ये गुलाब साळवे जमिनीवर कोसळले.त्यांना तात्काळ तळेगाव दिंडोरी येथील प्राथमिक आरोग्य केंद्रात उपचारासाठी दाखल करण्यात आले.मात्र डॉक्टरांनी त्यांना मृत घोषित केले.त्यानंतर त्यांना दिंडोरी येथील ग्रामीण रुग्णालयात आणण्यात आले.वणी आणि दिंडोरी येथील वनविभागाच्या अधिकार्यांनी ग्रामीण रुग्णालयात धाव घेऊन पंचनामा केला.यावेळी पोलिस निरीक्षक भगवान मथुरे यांनीही रुग्णालयात जाऊन पाहणी केली. घटनास्थळी वनविभागाने तात्काळ पिंजरा लावला असुन नागरिकांनी काळजी घेण्याचे आवाहन वनविभागाच्यावतीने करण्यात आले आहे. यावेळी डॉक्टरांनी शवविच्छेदन करुन मृतदेह नातेवाईकांच्या ताब्यात दिला.शोकाकुल वातावरणात त्यांच्यावर पिंपळणारे येथे अंत्यसंस्कार करण्यात आले. तालुक्यामध्ये सातत्याने या घटना घडत असल्यामुळे याला जबाबदार कोण? अशी म्हणण्याची वेळ तालुका वाशीयांवर आल्याने हे बिबटे अजून किती बळी घेणार हे मात्र सांगणे कठीण आहे.
कोणत्याही टिप्पण्या नाहीत:
टिप्पणी पोस्ट करा