शिरपूर तालुक्यातील आर,सी,पटेल प्राथमिक विद्यालय,रामसिंग नगर येथील उपक्रमशील शिक्षिका हेमलता संदिप वाडीले यांची महात्मा ज्योतिराव फुले राज्यस्तरीय नागरी पुरस्कार 2021 साठी निवड झाली आहे.महात्मा ज्योतिराव फुले शिक्षक परिषद महाराष्ट्र,यांच्या पुरस्कार निवड समितीने हेमलता वाडीले यांच्या शैक्षणिक,सामाजिक कार्याची दखल घेऊन ही निवड केली.
दि.14 नोव्हेंबर 2021 रोजी शेगाव येथे होणाऱ्या 11 व्या राज्यस्तरीय शिक्षण परिषदेत शिक्षण राज्यमंत्री माननीय बच्चुभाऊ कडू, आरोग्य राज्यमंत्री राजेंद्र शिंगणे, ब्रिगेडियर सुधीर सावंत ( मा. खासदार तथा अध्यक्ष सैनिक फेडरेशन महाराष्ट्र राज्य),सौ मनीषा ताई पवार (अध्यक्षा जिल्हा परिषद बुलढाणा),श्रीमंत भूषणसिंहजीराजे होळकर (अहिल्यादेवी होळकर यांचे वंशज, इंदौर),शिक्षक आमदार किरण सरनाईक,आमदार अमित झनक या मान्यवरांच्या उपस्थितीत हा पुरस्कार व मानपत्र प्रदान करण्यात येणार आहे.
त्याबद्दल त्यांना निवडीचे पत्र सन्मानपूर्वक प्रदान करण्यात आले.यावेळी महात्मा फुले शिक्षक परिषदेचे प्रदेशाध्यक्ष व्यंकटराव जाधव,जिल्हाध्यक्ष अंबादास घाळगिर,उपस्थित होते.
छान, तरूण गर्जना स अनंत हार्दिक शुभेच्छा
उत्तर द्याहटवा