चोपडा प्रतिनिधी,, विनोद निकम
चोपडा येथील पाटबंधारे उपविभाग कार्यालयातून लाभक्षेत्र दाखला देण्यासाठी ४००(चारशे) रुपयांची लाच मागणाऱ्या कालवा निरीक्षक विजय गिरधर पाटील(५७ हतनुर कॉलनी चोपडा)यांना लाच स्वीकारताना जळगाव येथील एसीबीच्या पथकाने शुक्रवारी दुपारी साडेचार वाजेच्या सुमारास चोपडा हातनूर कार्यालयाच्या आवारातच रंगेहात अटक केली या कारवाईने पाटबंधारे विभागात खळबळ निर्माण झाली आहे .
चोपडा तालुक्यातील सत्तर वर्षीय तक्रारदार व त्यांच्या भाउबंदकीच्या नावे असलेली वडिलोपार्जित शेतीची खाते फोड करण्यासाठी त्यांना लाभ क्षेत्र बाबत तसा दाखला हवा असल्याने त्याने चोपडा कार्यालयात शुक्रवारी संपर्क साधल्यानंतर आरोपी कालवा निरीक्षक विजय पाटील यांनी चारशे रुपयांची लाच
मागितली.तक्रारदाराला लाच द्यायची नसल्याने त्यांनी जळगाव एसीबीकडे तक्रार नोंदवलेली होती लाचेची पडताळणी झाल्यानंतर पोलीस उपअधीक्षक श्री जी एम ठाकुर यांच्या मार्गदर्शनाखाली पोलीस निरीक्षक नीलेश लोधी व संजोग बच्छाव, नाईक मनोज जोशी, प्रशांत ठाकूर, कॉन्स्टेबल श्री पाटील श्री नासिर, श्री देशमुख, ईश्वर धनगर आदींच्या पथकाने आरोपीला कार्यालयाच्या आवारातच लाच घेताना रंगेहात पकडले . चोपडा शहर पोलिस स्टेशनमध्ये अटक करण्यात आली आहे.
कोणत्याही टिप्पण्‍या नाहीत:
टिप्पणी पोस्ट करा