कल्याण (प्रतिनिधी) जेष्ठ नागरिक कल्याण शहर समन्वय समितीचे काम पाहून मला कार्य करण्याची ऊर्जा मिळते असे प्रतिपादन कल्याणचे माजी आमदार नरेंद्र पवार यांनी केले.
जेष्ठ नागरिक कल्याण शहर समन्वय समितीने कल्याण शहरातील राणी लक्ष्मीबाई जेष्ठ सेवा मंडळाच्या सभागृहात आनंदी संध्याकाळ सन्मानपत्र वितरण सोहळ्यात पवार बोलत होते.
कल्याणमध्ये २८ जेष्ठ नागरिक मंडळ असून जेष्ठ नागरिकांच्या विविध कलागुणांना व्यासपीठ मिळावे यासाठी मागील महिन्यात ऑनलाईन कला गुण दर्शनाचे आयोजन करण्यात आले होते यामध्ये कल्याणमधील अनेक जेष्ठांनी सहभाग नोंदविला व आपली कला सादर केली यामध्ये काव्यवाचन, कथाकथन, गाणी तसेच स्वरचित कवितांचे जेष्ठ नागरिकांनी सादरीकरण केले.
यामधील ४५ जेष्ठांना आनंदी संध्याकाळ सन्मानपत्र देऊन माजी आमदार नरेंद्र पवार यांच्याहस्ते गौरविण्यात आले. या कार्यक्रमाला समन्वय समितीचे अध्यक्ष अरविंद देशमुख, सचिव प्रभाकर बाविस्कर, महिला प्रमुख वर्षा बाविस्कर, राणी लक्ष्मीबाई जेष्ठ नागरिक मंडळाचे अध्यक्ष कृष्णा केळशीकर, सचिव पुरुषोत्तम जोशी, अन्य पदाधिकारी व मोठ्या संख्येने जेष्ठ नागरिक उपस्थित होते. या सन्मान सोहळ्याचे सूत्रसंचालन प्रभाकर बाविस्कर यांनी तर आभार प्रदर्शन पुरुषोत्तम जोशी यांनी केले.
कोणत्याही टिप्पण्‍या नाहीत:
टिप्पणी पोस्ट करा