आचार्य प्र. के. अत्रे सुरुवातीला डॉ बाबासाहेब आंबेडकर यांचे टिकाकार होते . पण हळूहळू त्यांना बाबासाहेब समजले आणि ते बाबासाहेबांचे कट्टर समर्थक व स्नेही बनले . १९५० साली त्यांनी " म. ज्योतिबा फुले " हा चित्रपट निर्माण केला आणि विशेष म्हणजे याचा शुभारंभ बाबासाहेबांच्या शुभहस्ते केला . त्यावेळी ते असे म्हणाले की " म. ज्योतिबा फुले यांचे खरे वारसदार डॉ बाबासाहेब आंबेडकर च आहेत " म्हणून या चित्रपटाचा शूभारंभ बाबासाहेबांच्या शुभहस्ते होणे हा दुग्धशर्करा योग आहे . या चित्रपटाला राष्ट्रपती चे रजत पदक पारितोषिक प्राप्त झाले . हा चित्रपट बाबासाहेब यांनी आवर्जून पाहिला आपला अभिप्राय पाठविला .
१९५१ साली बाबासाहेबांचा वाढदिवस धुमधडाक्यात साजरा करण्यात आला . त्यावेळी आपल्या हातात कोणतेही माध्यम नव्हते . त्या काळात आचार्य प्र. के. अत्रे यांनी बाबासाहेबांच्या जीवन कार्यावर आपल्या " नवयुग " या वृत्तपत्राचा विशेष अंक फोटोसहीत प्रकाशित केला . तो खुप गाजला . अजूनही काही लोकांकडे तो संग्रही आहे .
डॉ बाबासाहेब आंबेडकर आणि अत्रे यांचे ऋणानुबंध , प्रेम, जिव्हाळा, आदर आणि वात्सल्य बाबासाहेबांच्या अखेरपर्यंत टिकले. याचं उत्तम उदाहरण म्हणजे आयुष्याच्या शेवटी बाबासाहेबांनी आचार्य प्र. के. अत्रे यांना लिहिलेले पत्र आहे .
४ डिसेंबर १९५६ रोजी सायंकाळी बाबासाहेबांनी दोन महत्त्वाची पत्रे त्यांचे स्वीय सहाय्यक श्री नानकचंद रत्तु यांना लिहून घेण्यास सांगितले. एक आचार्य प्र. के. अत्रे आणि दुसरे श्री. म. जोशी यांना. हे दोघे कॉंग्रेसच्या विरोधी पक्षातील प्रमुख महाराष्ट्रीय नेते होते आणि संयुक्त महाराष्ट्र चळवळीतील आघाडीवरचे नेते होते. ह्या दोघांनी बाबासाहेब काढत असलेल्या रिपब्लिकन पक्षाला येऊन मिळावे, अशी त्यांना बाबासाहेबांनी त्या पत्रात विनंती केली होती .
दुर्दैवाने त्यानंतर ६ डिसेंबर १९५६ ला डॉ. बाबासाहेब आंबेडकर यांचे महापरिनिर्वाण झाले . बाबासाहेबांच्या मुंबई येथील अंत्यसंस्कार ला आचार्य प्र. के. अत्रे आवर्जून उपस्थित होते आणि आपल्या बूलंद आवाजात त्यांनी श्रद्धांजली भाषण करून अक्षरशः जनसागराला हेलावून सोडले . आचार्य प्र. के. अत्रें यांनी डॉ बाबासाहेब आंबेडकर यांच्या मृत्यूनंतर त्यांच्यावरील अग्रलेखांची जी मालिका आपल्या वर्तमान पत्रात लिहिली ती वाचताना आजही रडू येते .
विनम्र अभिवादन !
जय भीम !!
(साभार - डॉ बाबासाहेब आंबेडकर - धनंजय कीर २००९, विकी , श्री राजु परुळेकर व माझ्या वाचनातील आठवणी)
(फोटो - म. ज्योतिबा फुले या चित्रपटाचा शुभारंभ - डॉ बाबासाहेब आंबेडकर , माईसाहेब आंबेडकर , अभिनेता भालजी पेंढारकर , अभिनेत्री सुलोचना , आचार्य प्र. के. अत्रे यांच्या मागे शाहिर अमर शेख , प्रबोधनकार ठाकरे इ.)
(संकलक - नारायण बनसोडे)
पोस्ट१३८२१८-१/२
https://www.facebook.com/Narayan-Bansode-PAGE-302410210293103/
Pl. follow this link for more posts and like page & share posts .
कोणत्याही टिप्पण्‍या नाहीत:
टिप्पणी पोस्ट करा