चोपडा प्रतिनिधी :-देवेंद्र मुरलीधर नेतकर वय ५४ धंदा नोकरी ( प्रभारी पुरवठा तपासणी अधिकारी तहसील कार्यालय चोपडा ) यांच्या फिर्यादीवरून चोपडा ग्रामीण पोलीस स्टेशनला गुन्हा दाखल करण्यात आला आहे.
दि. १७ नोव्हेंबर रोजी दुपारी सव्वा दोन वाजेच्या सुमारास तहसील कार्यालय चोपडा येथे चोपडा ग्रामीण पोलीस स्टेशनचे पोलीस निरीक्षक देविदास कुनगर यांचा भ्रमणध्वनी आला असता त्यांनी चोपडा ग्रामीण पोलीस स्टेशन हद्दीत प्रतिबंधित बायोडिझेलची अवैधरित्या साठवणूक व विक्री होत असल्याबाबत गुप्त माहिती मिळाली असल्याचे सांगितले व त्यांच्या भ्रमणध्वनी नुसार मी लागलीच ग्रामीण पोलीस स्टेशनला धाव घेतली व पोलीस उपनिरीक्षक अमरसिंग वसावे, स. फौ. देविदास शंकर इशी,पो. हे. कॉ. संजय निंबा येदे, पो. हे. कॉ. राजू श्रावण महाजन, पो. हे. कॉ. लीलाधर धनु भोई , पो.हे.कॉ भरत रामजी नाईक, पो. हे. कॉ. शिवाजी ढबू बाविस्कर ,चालक पो. हे. कॉ. विनोद राघो पाटील, पो. कॉ सुनील प्रभाकर कोळी व सोबत दोन पंच रोहिदास भालेराव कोळी व नरेंद्र ज्ञानेश्वर मोरे रा. हातेड खुर्द यांना सोबत घेऊन शिरपूर रोडवरील न्यू व्दारकाधिश ढाबाच्या बाजूला असलेल्या पत्री शेडमध्ये अवैधरित्या प्रतिबंधित केलेल्या बायोडिझेलचा बेकायदेशीर साठा करून विनापरवाना वाहनांमध्ये डिझेल विस्पोट द्रव्य किंवा बायोडिझेल विक्री करीत असलेल्या ठिकाणी झाडाझडती घेतली असता सदर ठिकाणी ४,९२००० रुपये किमतीच्या मुद्देमालासह डिझेल भरलेल्या टाक्या व डिझेल भरण्यासाठी लागणारा मशीन पंप,नळ्या इत्यादी आढळून आल्याने सदर बाबी साठवणूक केल्याप्रकरणी जाधव रामजी सिंधव रा.पंपनगर लासुर तालुका चोपडा यास अटक करण्यात आली आहे.
मिळालेल्या सर्व वस्तूंचा पंचा समक्ष सविस्तर पंचनामा करून मुद्देमाल मधून एकूण चार काचेच्या बाटल्या ७५० एम एल मापाच्या काचेच्या बाटलीत बायोडिझेल सदृश्य विक्री होत असलेल्या इंधनाचे रासायनिक विश्लेषणासाठी नमुन्यासाठी काढून सीलबंद करून त्यावर फिर्यादी तसेच पोलिस निरीक्षक व पंचाचे सह्या घेऊन सीलबंद केले असून तसेच मिळून आलेल्या मुद्देमालासह तसेच पोलिसांच्या व पंचाच्या समक्ष सीलबंद असल्याचे करण्यात आले आहे.दि.१७ नोव्हेंबर रोजी साडेतीन वाजेच्या सुमारास चोपडा ते शिरपूर रोड वरील न्यु व्दारकाधिश ढाबाच्या उजव्या बाजूला पत्री शेडमध्ये जाधव रामजी शिंधव वय ३६ रा. पंपनगर लासुर तालुका चोपडा याने सुमारे ४५ हजार लिटर बायोडिझेलचा साठा करून शासनाने पडताळणी न केलेल्या मशिनच्या साह्याने स्वतःच्या आर्थिक फायद्याचे बायोडिझेल द्रव्याच्या साठा एका पाच हजार लिटर मापाच्या प्लास्टिक टाकी व इतर साहित्य असे एकूण ४९२००० रुपये किमतीचा मुद्देमाल बेकायदेशीर विनापरवाना स्वतःचे कब्जात व स्वतःच्या फायद्यासाठी बाळगून विक्री करताना मिळून आला व बायोडिझेल वाहनात विक्री करण्याचे शासनाचे मनाई हुकुम जारी केले असताना,विक्री करण्याच्या उद्देशाने शासनाच्या आदेशाचे उल्लंघन केले म्हणून देवेंद्र नेतकर ( प्रभारी पुरवठा तपासणी अधिकारी तहसील कार्यालय चोपडा) यांच्या फिर्यादीवरून जाधव रामजी सींधव वय ३६ रा. पंपनगर लासुर तालुका चोपडा यांच्या विरूद्ध भारतीय दंड संहिता कलम २८५,१८८ सह जीवनावश्यक वस्तू अधिनियम १९५५चे कलम ३ व ७ सह विस्फोटक अधिनियम द्रव्य अधिनियम १८८४ चे कलम ९(ब),१(ब),सह कलम मुंबई वजन व मापे अमलबजावणी अधिनियम १९९८ चे कलम २५ प्रमाणे कायदेशीर फिर्याद नोंदविण्यात आली आहे.पुढील तपास उपविभागीय अधिकारी कृषीकेश रावले यांचा मार्गदर्शनाखाली पोलिस निरीक्षक देविदास कुनगर हे करीत आहेत.
कोणत्याही टिप्पण्या नाहीत:
टिप्पणी पोस्ट करा