परंडा(राहूल शिंदे) दि.१ तालुक्यातील शेळगाव सबस्टेशन येथील वीज पुरवठा करणाऱ्या ३३/११ पवार ट्रान्सफॉर्मर उपकेंद्रातील ५ मेगावॅटचे एक रोहित्र १२ मेला सकाळी जळाल्याने भारनियमन करावे लागत होते.
केवळ एका ट्रान्सफॉर्मरवर विजेचे नियोजन केले होते,फक्त २-३ तास लाईटचा पुरवठा होत होता.एक ट्रान्सफॉर्मरवर नियोजन करणे अशक्य होते.त्यामुळेच भारनियमन करावे लागत होते.या ट्रान्सफॉर्मरवरून परिसरातील २०- २५ गावांना वीजपुरवठा करण्यात येतो.
काल दुपारी ३ वाजता लातूर येथून ट्रान्सफॉर्मर शेळगांव येथे आणण्यात आला व काम अगदी युध्द पातळीवर सुरू करण्यात आले, परतू रात्री अचानक आलेल्या मान्सूनपूर्व पर्जन्यवृष्टीमुळे कामात व्यत्यय आला. व चालू पाऊसात देखील जोडणी काम रात्री उशीरा पर्यंत सुरू होते.कार्यकारी अभियंता व महावितरण संपूर्ण टीम सदर ठिकाणी मुक्कामी होती.ते काम आज दुपारपर्यंत पूर्ण झाले आहे. उद्यापासून सर्व गावातील वीजपुरवठा सुरळीत सुरू होईल.
यासंदर्भात जिल्ह्याचे लोकप्रिय खा.ओमप्रकाश राजेनिंबाळकर यांनी महावितरणचे लातूरचे मुख्यअभियंता यांना निवेदन दिले होते.वीजपुरवठा लवकरात लवकर सुरू करण्याबद्दल चर्चा केली होती.तसेच जिल्ह्याचे पालकमंत्री आ.शंकरराव गडाख यांच्यासोबत आढावा बैठक देखील घेतली होती व सतत पाठपुरावा देखील करत होते.
कामकाज सुरळीत पार पाडण्यासाठी श्री.महेंद्र वाघमारे(कार्यकारी अभियंता उस्मानाबाद),श्री.गणेश पाटील(सहाय्यक अभियंता गुणनियंत्रणउस्मानाबाद),श्री.अमेय वनारी(उप कार्यकारी अभियंता, परंडा),श्री.दत्तात्रय दसपुते(सहाय्यक अभियंता, शेळगाव),श्री.गोकुळ डोके(वरीष्ठ तंत्रज्ञ),श्री.बालवीर शिंदे(तंत्रज्ञ)व महावितरणचे इतर सर्व कर्मचाऱ्यांनी खूप परिश्रम घेतले.
कोणत्याही टिप्पण्‍या नाहीत:
टिप्पणी पोस्ट करा