मोताळा तालुका प्रतिनिधी -पिंप्रीगवळी गावातील सरपंच यादवराव हुडेकर यांच्या मनामनी कारभाराला व फक्त पदाभोग्या परिस्थितीला कंटाळून ग्रामपंचायत विद्यमान सदस्यांनी दि 14/12/2020 रोजी तहसीलदार मोताळा यांचेकडे अविश्वासाच्या ठरवाची नोटीस दिली होती त्यानुसार अध्याशी तहसीलदार यांनी दिनांक 18/डिसेंबर/ 2020 रोजी खास सभा घेऊन बहुमत सिद्ध करण्यात आले. त्यावेळी यादवराव हुडेकर यांचे विरुद्ध 11 पैकी 10 सदस्यांनी मतदान केले तर 01सदस्य गैरहजर होतें त्यामुळे सरपंच यादवराव हुडेकर यांना एकही मत मिळाले नव्हतं.
यादवराव हुडेकर अगोदर सरपंच राहून गेले आहेत. तसेच माळी समाजाचे तालुका पद सुद्धा त्यांचेकडे होतं त्यामुळे त्याच्यासाठी ही निवडणूक अत्यंत प्रतिष्टेची मानली जात होती. बीजेपी सरकार च्या काळातील लोकनियुक्त सरपंच असल्यामुळे त्यांना सदस्यांच्या अविश्वासमूळे पद गमावता आलं नव्हतं त्यासाठी गावातील लोकांनी निवडून दिले,तर पदावरून काढण्याचा अधिकार सुद्धा गावाकऱ्यांचाच आहे असा शासन निर्णय असल्याने, सरपंच यांना कोरोनाच्या वाढत्या प्रभावामुळे 06 महिने सत्ता गाजविण्याची परत एक संधी मिळाली होती.
आज दि 06 मार्च 2021 रोजी तहसीलदार मोताळा यांनी मा. उपजिल्हा अधिकार यांचे आदेशनव्ये पी. गवळी येथे विशेष ग्रामसभा आयोजित करण्यात आली. त्यापूर्वी ग्रामसेवक मापारी यांनी गावातील लोकांना दवंडी देऊन ग्रामसभेमध्ये मतदान करण्याची जागरूकता निर्माण केली. पण एन वेळ कोरोना रुग्ण संख्या वाढल्यामुळे महाराष्ट्र सरकार यांचे आदेशानुसार दि 06/मार्च /2021ला होणारी विशेष ग्रामसभा रद्द करण्यात आली होती. त्यामुळे गावातील सरपंच अधिकार कायम होते. व त्यांना अजून पदभोगण्याची आयती संधी मिळाली होती.त्यांनी संधीचं सोन करण गरजेचे होतं, परंतु कोरोना परिस्थितीत ग्रामसेवक व सरपंच यांचे कडुन समाधानकारक काम न झाल्यामुळे जनतेची नाराजी झाली. व इतर ग्रामविकासाची कामें केली नाही.तसेच निवडणूक लढाताना जो जाहीरनामा वचनपूर्ती सरपंच यांनी केली होती त्यातील एकही काम या तीन वर्षात गावात झाले नाही.
त्यानंतर आज दि 13/जुलै /2021ला सकाळी 10 वा गावात विशेष ग्रामसभा मा. तहसीलदार साहेब मोताळा यांचे आदेशानुसार मराठी प्राथमिक शाळा येथे घेण्यात आली
त्यानुसार गावातील 18 वर्षावरील नागरिकांनी मतदानाचा हक्क बजावला त्यामध्ये सरपंच व सदस्यांच्या बाजुने मतदान करण्यासाठी दोन वेगवेळी चिन्ह देण्यात आली होती.
सकाळी 10 वा पासुन विश्वास अविश्वास मतदानाला सुरवात झाली ठीक 02.30 मी.वा मतदान वेळ संपली. त्यावेळी एकूण मतदान 274 झाले होतं.व बालविकास प्रकल्प अधिकारी यांनी मतमोजणी करून दुपारी 03 वा निकाल घोषित केला. सदर निकालामध्ये सरपंच यांचे बाजुने 79 तर सदस्यांच्या बाजुने 188 असा कौल गावातील मतदारराजांनी दिला.तर 07 मतदान हे अवैध झाले.अश्याप्रकारे सरपंच हुडेकर यांना पराभव स्वीकारावा लागला. सरपंच पराभव झाल्यानंतर विरोधी सदस्य गटाचे जल्लोषाचे वातावरण दिसत होतें.
या राजकीय लढाई मध्ये एक मराठी म्हण मात्र खरी ठरली (गाव करील ते राव काय करणार )ते गावाकऱ्यांनी दाखवून दिले. त्यामुळे यातून इतर गावाचे सरपंच धडा घेतील कि सत्तेचा दुरुपयोग व माज केला तर त्यांचे परिणाम जनता मतदानरूपाने दाखवुन देते.
आता परत चर्चा होतं आहे कि पुढील भावी सरपंचपदासाठी 11 सदस्यांनंपैकी कोणाची वर्णी लागेल. त्यासाठी सदस्यांनमध्ये स्पर्धा सुरु झाली आहे. जाती पतीचे राजकारण होईल कि साम, दाम, दंड, भेद यांचा वापर होईल हे औचित्यचे ठरेलं.
कोणत्याही टिप्पण्‍या नाहीत:
टिप्पणी पोस्ट करा